Evri yia lo 24 Julae, Vanuatu Women’s Centre mo ol Branj ofis oltaem i selebratem Dei blong ol Pikinini long ol defren eria long 6 provins lo Vanuatu.

Long namba 23 Julae 2025, VWC Ofis long Vila hemi bin selebratem Children’s Day long Malatia Primary Skul long North Efate. Ibin kat parade lo skul wetem ol student, ol Tija, ol perens mo sam komuniti lidas oli stap lo taem ia. Ibin kat Flag raising mo nasonal anthem blong makem Children’s Day. Theme we VWC hemi putum lo yia hemi “lukluk iko long Fuija, stanap blong protektem ol raet blong ol Pikinini”.

I bin gat ol toktok long time ia we ikamout long Skul Jeamen mo Komuniti Eduketa blong VWC.

Dei ia hemi wan taem blong tingbaot hao yumi save lukaot gud mo stanap strong long olgeta raet mo risponsaboliti blong ol pikinini.

I bin gat sam donesen we VWC i kivim iko long skul mo smol awaenes long ol pikinini long ol "10 Sefti Rul blong stap sef oltime" AFL we patna wetem VWC, hemi bin mekem fun gems we ol pikinini oli enjoyem gud dei ia.

VWC i wantem talem tankio iko long ol tija's, perens mo skul komiti blong save mekem se ol pikinini oli enjoyem dei ya.