Selebratem Intanasonal Dei blong ol Woman

Evri Yia Vanuatu Women’s Centre istap selebratem Intanasonal Dei blong ol woman long ol defdefren eria long Vanuatu long North kasem South. “YUMI TUGETA” hemi toktok we VWC hemi lukim blong yumi wok tugeta blong stopem ol rabis fasin we istap ko agensem ol woman, ol gel mo ol pikinini.

Long namba 8 Maj 2024, VWC ibin selebratem Intanasonal Women’s Dei long ol ajivmens blong olgeta woman ia hemi Annolyn Lulu we hemi wan Table Tennis Professional mo Zumba Instructor; Velenie Jacob hemi wan entrepreneur long Financial Literacy long Vanuatu Business coach mo wan trainer; mo Gail Tamakam, hemi wan Trainer long Carpentry lo APTC. Oli bin serem ol experience blong olgeta wetem Yangfala gel long Vanuatu Youth Challenge, APTC mo 2 staff blong Vanuatu Red Cross Society. Long taem ia ikat olgeta mama blong Malimali Toka association long New Caledonia tu oli kam selebratem dei ia wetem VWC long Melaniesian Hotel-conference room.